CUMPAGNIALLI MIE
Me guardu, certe vote, 'ntra stu specchjiu,
me giru e me rivuatu a manca e a derra,
me paru nu quatraru turmentatu
chi 'un tena pace e nun se po' cunsulà.
Vulissi 'n 'atra vota turnare piccirillu,
vulissi 'n 'atra vota jucare a l'ammucciatella,
vulissi 'n 'atra vota abbrazzare i cumpagnialli mie,
vulati all'antrasatta ppe' sti munni assai luntani.
A nostalgia cocente é sempre ccà, presente
'ntra stu core, chjiagatu e martoriatu ppe'
sta lunga luntananza, ppe' stu destinu amaru
c'avimu avutu e suppurtà.
Ne restanu sulu e sultantu i ricuardi bialli
e chilli juachi e de chilla gioventù.
Ricuardi chi 'un se caccianu e ra mente,
ppe' ne putire cunsulare sempre e chjiù.
PEPPINO AQUILA
Nessun commento:
Posta un commento