Poeta - Carolina Innaro Greco

A Parrina Merica

A quatrara c’u d’avia ra pupa,
quannu jucava ‘ccu ri cumpagnieddri,
‘ppi nnu ciancìari a ri dispetti loru,
orgogliusa diciva c’a parrina
l’a mannava da Merica na pupa.

L’avia prumisa quand’era partuta
‘ppi si scusar’i tutt’a trascuranza,
ch’i parrini rispettanu l’usanzi.

Si l’abbrazzava già ‘ccu ri pinzeri,
si l’allisciava tutta, s’a vasava,
s’a curcava vicina dintr’u lettu,
‘ccu ri cumpagni già si nn’avantava
mentri nu parmu lingua li cacciava.

Sonni, spiranzi, Merica e parrina
eranu tutta na cosa ‘ppa guagliuna
c’u ssapìa, viata, c’ogni locu
tena guagliuni ‘ccu ri pupi i pezza
com’a sua c’avetta ra fermizza
i nu ccèdiri u postu a novi arrivi.

‘Ccu ru tempu pò s’è ccunvinciuta
c’a Merica è pizzenti senza pupi
eppuri a ra maestra u cuntistava
quannu faciva storia e giografia,
c’à lezioni si l’avia mparata
‘mpigannucci tant’anni a ra capiri.

E mo ch’è ranna ù ppò ssapiri ancora
s’a Merica tradetta ra parrina
o chissa s’è scurdata a vecchia usanza.

Carolina Innaro Greco