Nicola Paparo - Poeta
Si Bona la 'ngarri
'I piecure sciarre
muntuni pujisi
parrava nu tat’à
a nu Santamarisi
ca jia assecutandu
‘nu Sansugrinisi
ch’aviva di dote
trecentu turnisi.
L’amaru forisi
l’aviad’a Tiresa,
massara di casa,
a ru cittu prumisu.
Manneddre di lin’e
saccuni di lana
‘nd’avia ‘ncunocchiatu
Tiresa e filatu
ppi dote ‘ncasciri a
ra fijia sciabarra,
ch’ud’era di murra,
nè faccia ammucciata.
Lavatu lu lin’ e
ra lana cardata
ù pani bruniettu
ccu n’ugn’ì salatu
manciava ‘mpipatu.
‘Na sira d’agura
l’ha mamma njiuccata.
Nu mienzu sicarru
s’è Ciccu appicciatu,
ù fijiu tocchetta
s’è misu stirata
e jiru cuntient’a
purtar’a ‘mbasciata
a chira cacajia
ch’ù voza prigata.
-Oi, tata, mi ‘njiorna,
oppuru mi scura.-
-Si bona la ‘ngarri
ti dunad’onuri,
s’è menza liverza,
ti minta pastura-
Nessun commento:
Posta un commento