S'E' GENTI CA NU' VENA DI CAPIZZA - Nicola Paparo

(Nicola Paparo e Francesco Cosco )

S'E' GENTI CA NU' VENA DI CAPIZZA

Ad aceddruzz’ì fera ‘mpumatatu

ca j’ia pizzuliandu la niputi

nu jiuornu don Gatanu ‘mbilinatu

‘lì ficia ‘na valenti cazziata:

-S’ù vua ruttu lu culu, sciaguratu

‘u friculiari ‘sa niput’amata-

L’had’orfaneddra mammasa addrivata

e nè dicuttu d’erva nè pappata

l’ha tu dunatu quand’era malata.

‘U le guardare cosce ch’ha ‘nquartatu

nè ‘su paru di minne arrivulate-

E’ ancora ‘n’animeddra spruvviduta

e chiru ca l’ha dittu s’è cuddratu-

I d’a gabbeddra ‘u num’è ‘na cirtizza,

d’u parintatu si guarda ra razza:

s’è genti ca nu vena di capizza

è piejiu ì ‘na majiatica cucuzza.

                                                             Nicola Paparo