Primavera - Nicola Paparo

(Nicola Paparo)

PRIMAVERA

Ntra la scìoddra, 'mpaccì 'u puzzu,

su’  jiurut’i   fieddrurazzi;

è  spicata  già  l’ervuzza

e  Titina  li  pannizzi

a  ru  suli   spampinazza.

-Si nd’è jiutu, cchi  biddrizza,

finalment’u   mis’i   marzu –

pensa  e  tutta  già  si  sbrazza

mentri  spanda  ri   pannizzi.

Palumbeddra  senza feli

è  vinuta  Primavera.

Genti  san’e  jumburuta,

lienti, grassi e sguaddrarati,

si su’  tutti  rivijjiati

e tant’arvuli  spicati

paran  puru  li malati.

Giuvineddra passeggera

è d’a  vita Primavera.

Cuomu rosa  profumata

dop’appena  ‘na  jiurnata,

tutta  muscia  e spampinata

lestu lestu  si  ‘nd’è  jiuta.

          

                                                                  Nicola  Paparo      

                                                   (Bosco manco ferrato)